Taıaý Shyǵystaǵy jaǵdaı: AQSh jáne birqatar el azamattaryn evakýatsııalaýǵa shaqyrdy
ASTANA. KAZINFORM — Dıplomatııalyq mıssııalar men birneshe memleket úkimetteri óńirde áskerı áreket bastalý qaýpine baılanysty óz qyzmetkerleri men azamattaryn evakýatsııalaý úshin shuǵyl sharalar qabyldap jatyr dep habarlaıdy Kazinform agenttiginiń menshikti tilshisi.
27 aqpanda AQSh Memlekettik departamenti Izraıldegi dıplomatııalyq mıssııasynyń keıbir personaly men olardyń otbasy músheleriniń ketýine ruqsat berdi. Bul týraly Izraıldegi AQSh elshiligi resmı habarlamasynda málimdedi.
Bul sheshim «qaýipsizdik qaýpine baılanysty» qabyldanyp, authorized departure rejıminde júzege asady — bul rejım ómirge nemese ulttyq múddelerge qaýip týyndaǵan jaǵdaıda úkimet esebinen evakýatsııany qamtamasyz etedi.
On February 27, 2026, the Department of State authorized the departure of non-emergency U.S. government personnel and family members of U.S. government personnel from Mission Israel due to safety risks.
— U.S. Embassy Jerusalem (@usembassyjlm) February 27, 2026
In response to security incidents and without advance notice, the U.S.… pic.twitter.com/aWzX6Gk36x
Izraıldegi AQSh elshisi Maık Hakkabı mıssııa qyzmetkerlerine elden ketýdi «búgin» jasaýǵa keńes berdi.
The New York Times habarlaǵandaı, elektrondyq hat juma kúni tańerteń jiberilgen jáne birneshe derekkóz arqyly rastalǵan.
— Dúrbeleńge salynýdyń qajeti joq, biraq ketýdi qalaıtyndarǵa jolǵa shyǵýdy múmkindiginshe tez josparlaý mańyzdy, — delingen habarlamada.
Elshilik áýe bıletterine suranystyń joǵary bolý múmkin ekenin eskertip, Ben-Gýrıon atyndaǵy áýejaıdan kez kelgen qoljetimdi baǵytqa reısterdi aldyn ala brondaýdy, keıinnen AQSh arqyly tranzıt jasaýǵa keńes berdi. Sonymen qatar, saparlar jónindegi eskertý jańartylyp, terrorızm men azamattyq tártipsizdik qaýpine baılanysty amerıkandyq azamattarǵa Izraıl men Batys jaǵalaýyna saparlaryn qaıta qaraýǵa keńes berildi.
Uqsas sharalar óńirdiń basqa elderinde de qabyldandy. Buǵan deıin Lıvandaǵy AQSh elshiligi keıbir personal men olardyń otbasy músheleriniń elden ketýin tapsyrǵan. Aýstralııa Izraıl men Lıvandaǵy dıplomattar otbasy múshelerin elden shyǵýǵa shaqyryp, sondaı-aq BAÁ, Qatar jáne Iordanııadaǵy qyzmetkerler otbasylary úshin erikti ketýdi usyndy.
Kanada azamattaryna Irannan «múmkindiginshe tezirek» ketýge keńes berip, aldyn ala habarlamasyz qaqtyǵystyń qaıta bastalý qaýpi bar ekeni eskertildi.
Polsha, Shvetsııa, Úndistan jáne basqa da elder saqtalyp otyrǵan shıeleniske baılanysty óz azamattaryna Irannan ketýge keńes berdi.
Beısenbide Qytaı Syrtqy ister mınıstrligi jáne Irandaǵy Qytaı elshiligi azamattaryna Iranǵa barýdan bas tartýǵa jáne múmkindik bolsa elden ketýge keńes berdi, dep habarlaıdy Xinhua.
The Chinese Foreign Ministry and the Chinese Embassy in Iran on Friday advised Chinese citizens to avoid traveling to #Iran. pic.twitter.com/zJw8cCWeGx
— CGTN (@CGTNOfficial) February 27, 2026
Evakýatsııaǵa shaqyrýlar AQSh pen Iran arasyndaǵy shıelenistiń kúrt ósýine baılanysty jasaldy. Jenevadaǵy Irannyń ıadrolyq baǵdarlamasy jónindegi kelissózder beısenbide esh nátıjesiz aıaqtaldy.
Iran bıligi men Omandaǵy deldal taraptar kelesi aptada kelissózderdi jalǵastyratynyn, soǵystyń aldyn alýǵa tyrysatynyn habarlady.
Alaıda amerıkandyq delegattar Stıv Ýıtkoff pen Djared Kýshner kelissózderdiń qazirgi mártebesi týraly eshqandaı jarııa málimdeme jasamady, al Aq úı kezdesý nátıjeleri boıynsha túsinikteme berýden bas tartty.
Vashıngton túrli yqtımal stsenarıılerdi qarastyryp jatyr, onyń ishinde áskerı nusqany da joqqa shyǵarmaıdy. AQSh Taıaý Shyǵystaǵy kúshterin basqarǵan admıral Bred Kýper beısenbide Donald Trampqa Iranǵa qarsy áskerı áreket nusqalary týraly habarlady, dep jazady ABC News derekkózine silteme jasap.
Telearnanyń ekinshi derekkózi brıfıngke general Den Keın de qatysqanyn habarlady. Ol Qurlyqaralyq shtabtar biriktirilgen komıtetiniń tóraǵasy retinde prezıdenttiń negizgi áskerı keńesshisi sanalady.
Buǵan deıin amerıkalyq buqaralyq aqparat quraldary AQSh prezıdenti Donald Tramp qarastyryp otyrǵan nusqalardyń biri — Irannyń áskerı jáne ıadrolyq nysandaryna bastapqy dál soqqylar jasaý ekenin habarlaǵan. Mundaı qadam Tegerandy kelisim aıasynda qosymsha jeńildikter jasaýǵa májbúrleý maqsatynda kózdelýi múmkin.
Osydan buryn Iranmen qarym-qatynas shıelenisip ketkendikten AQSh Taıaý Shyǵystaǵy óziniń Ortalyq qolbasshylyǵynyń (CENTCOM) jaýapkershilik aımaǵyndaǵy áýe kúshterin edáýir kúsheıtip, óńirge 300-den astam áskerı ushaǵyn ornalastyrǵany belgili boldy.