Taıaý Shyǵystaǵy soǵys saldarynan Sýdanda aýyzsý tapshy bolyp barady
ASTANA. KAZINFORM - Izraıl men AQSh-tyń Iranǵa qarsy soǵysy álemdik naryqtaǵy baǵanyń ósýine áser etti. Bul úrdis Sýdandaǵy taza aýyzsýdyń qunyna da yqpal etip otyr, dep jazady BILD.
Afrıkanyń soltústik-shyǵysyndaǵy eldiń sý júıesi negizinen jerasty sýyn tereń uńǵymalar arqyly alýǵa táýeldi. World Vision gýmanıtarlyq uıymynyń málimetinshe, dızel generatorlarynyń kómegimen sý rezervýarlar men qubyrlar arqyly halyq pen malǵa jetkiziledi. Ásirese aptap ystyq kezeńinde sýǵa suranys kúrt artady. Alaıda Iran Ormýz buǵazyn japqannan keıin dızel otynynyń qymbattaýyna baılanysty sý baǵasy shamamen 30 paıyzǵa ósken.
Sonyń saldarynan kóptegen otbasy taza aýyzsý satyp ala almaı, qaýipsizdigi kúmándi sý kózderin paıdalanýǵa májbúr. Bul óz kezeginde súzek, tyrysqaq sııaqty juqpaly aýrýlardyń taralý qaýpin arttyryp otyr.
Osyǵan deıin Sýdanda gýmanıtarlyq jaǵdaı qıyndap bara jatqany týraly jazdyq.
