Taıaý Shyǵystaǵy shıelenis saldarynan munaı baǵasy sharyqtap jatyr
ALMATY. KAZINFORM – Munaıdyń álemdik baǵasy Taıaý Shyǵystan munaı jetkizýge qatysty qaýiptiń kúsheıýine baılanysty ósip jatyr.
8 qazan WTI markaly munaı fıýchersteri barreline 89,83 dollar boldy. Baǵa 1,76%-ǵa ósti.
Brent markaly munaıdyń baǵasy barreline 102,28 dollarǵa jetip, 2 dollarǵa nemese 2,08%-ǵa qymbattady.
Al reseılik Urals munaıynyń baǵasy shamamen 7 dollarǵa nemese 5,39%-ǵa tómendep, barreline 121,38 dollarǵa jetti.
Reuters agenttiginiń habarlaýynsha, munaı baǵasynyń ósýine eń aldymen Parsy shyǵanaǵy men Ormýz buǵazy arqyly munaı jetkizýge qatysty qaýipter áser etip otyr. Qaqtyǵys bastalǵanǵa deıin bul baǵyt arqyly álemdik munaı jetkiziliminiń shamamen 20%-yna teń munaı men munaı ónimderi tasymaldanǵan.
Parsy shyǵanaǵy men Ormýz buǵazy mańyndaǵy kemelerge jasalǵan shabýyldardyń jıileýi de naryqqa qosymsha qysym kórsetip otyr.
Eske salaıyq, «Úlken jetilik» elderi álemdik energetıkalyq naryqty turaqtandyrý úshin strategııalyq qorlardan 100 mln barrel munaı men munaı ónimderin birlesip bosatýǵa kelisti.
