Taıaý Shyǵystaǵy shıelenis: QR Syrtqy ister mınıstrligi málimdeme jasady
ASTANA. KAZINFORM – Qazaqstan Taıaý Shyǵystaǵy ahýalǵa alańdatýshylyq tanytty. Syrtqy ister mınıstrligiń ustanymyn resmı ókili Aıbek Smadııarov málimdedi.
«Qazaqstan Respýblıkasynyń Syrtqy ister mınıstrligi Taıaý Shyǵystaǵy shıelenistiń órshýine baılanysty alańdaýshylyq tanytady. Bizdiń barlyq qatysý tarapty sabyrlylyq tanytyp, beıbit turǵyndardyń qazasymen, keń aýqymdy soǵysqa aınalmaýy úshin, jol bermeýi úshin shıelenisten bas tartýǵa shaqyramyz. Osyǵan baılanysty kelispeýshilikterdi retteýdi BUU-nyń jarǵysy jáne halyqaralyq qaǵıdattar sheńberinde jedel sharalar qabyldaýdyń mańyzdylyǵyn atap ótemiz», - dedi Aıbek Smadııarov vedomstvoda ótken brıfıngide.
Resmı ókildiń málimdeýinshe, Qazaqstan halyqaralyq qaýymdastyqtyń ahýaldy turaqtandyrýǵa, óńirlik qaýipsizdikti qamtamasyz etýge baǵyttalǵan bastamalardy turaqty qoldaıdy.
«Sheteldegi Qazaqstan Respýblıkasy azamattarynyń quqyǵyn qorǵaý biz úshin basty basymdyq. Biz otandastarymyzdyń qaýipsizdigin qamtamasyz etý úshin qoldan kelgenniń bárin jasaımyz. Kez kelgen jaǵdaıda qoldaý kórsetemiz.», - deıdi ol.
Buǵan deıin Qazaqstannyń Izraıldegi Elshiligi Taıaý Shyǵystaǵy jaǵdaıǵa baılanysty úndeý jasaǵanyn jazǵan bolatynbyz.
Aıta keteıik, buǵan deıin Iran Izraıldi bombalady, qaptaǵan zymyran ushyrdy.
Artynsha, Ulybrıtanııa Irannyń Izraılge zymyrandyq shabýylyn aıyptady.
Sondaı-aq Iran men Aýǵanstan shekarasynda 10 shaqyrymdyq qabyrǵa turǵyzyldy.
Qazaqstannyń Azamattyq avıatsııa komıteti Taıaý Shyǵystaǵy kúrdeli ahýalǵa baılanysty málimdeme jasady.
