Taıaý Shyǵystaǵy qarýly qaqtyǵys elimizdegi benzın baǵasyna qalaı áser etedi — Aqkenjenov pikiri
ASTANA. KAZINFORM — Energetıka mınıstri Erlan Aqkenjenov Taıaý Shyǵystaǵy qarýly qaqtyǵys pen álemdik naryqtaǵy munaı baǵasynyń qubylýy elimizdegi munaı baǵasyna qalaı áser etýi múmkin ekenin aıtty.
— Kún saıyn baǵanyń qalaı ózgerip jatqanyn kórip otyrmyz, shyrqaý shegi 119 dollar boldy. Qazir munaı baǵasy barreline 87 dollarǵa deıin tómendedi. Baǵa 80 dollar shamasynda bolýy úshin alǵysharttar bar. Óıtkeni, qalaı degende de Parsy shyǵanaǵy elderiniń munaı ınfraqurylymyna shabýyl júrip jatqanyn baspasózden kórip, oqyp otyrmyz. Ekijaqty da shabýyl. Árıne, bul naryqta munaıdyń az bolýyna áser etedi. Sondyqtan baǵa joǵary bolyp tur, — dedi mınıstr Májiliste ótip jatqan jalpy otyrys aıasynda.
Osy rette ol bul jaǵdaıdyń elimizdegi benzın baǵasyna áser etpeıtindigin atap ótti.
— Parsy shyǵanaǵy elderi men AQSh-ta munyń qazirdiń ózinde benzın baǵasyna áser etip jatyr. Ony jańalyqtardan kórip, oqyp otyrmyz. Al Qazaqstanǵa áseri joq, — dedi Erlan Aqkenjenov.
Eske salsaq buǵan deıin eldegi benzın, dızel jáne avtogaz baǵalary týraly jazǵan edik.
