Taıaý Shyǵystaǵy qaqtyǵys saldarynan Eýroodaq elderinde gaz baǵasy 70% ósti
ASTANA. KAZINFORM — Eýropalyq Odaqtyń energetıka jónindegi komıssary Dan Iorgensen Taıaý Shyǵys daǵdarysy kezinde Eýropalyq Odaqtaǵy gaz baǵasy 70%, munaı baǵasy 60% qymbattaǵanyn aıtty, dep habarlaıdy BELTA.
— Taıaý Shyǵysta qaqtyǵys bastalǵaly Eýropalyq Odaqta gaz baǵasy 70%-ǵa, munaı — 60%-ǵa ósti. Qarjylyq turǵydan alǵanda, 40 kúndik qaqtyǵys Eýropalyq Odaqty energııa ımportyna qosymsha 14 mıllıard eýro jumsaýǵa májbúr etti, — dedi Dan Iorgensen.
Buǵan deıin Eýropalyq odaq Qazaqstan munaıynyń eksportyna kedergi keltirmeıtini týraly jazdyq.
Sondaı-aq Eýropalyq Odaq ınnovatsııalyq qorǵanys tehnologııalaryn ázirleýdi jedeldetý úshin 115 mln eýro bólýdi josparlap otyr.
Aıta keteıik, odaq byltyr Grýzııaǵa qarjylyq kómek kórsetken joq. Bul jaǵdaı 2026 jyly da jalǵasýy múmkin ekenin jazǵan bolatynbyz.
