Taıaý Shyǵystaǵy daǵdarystyń jalǵyz sheshimi dıplomatııa – Ýrsýla fon der Lıaıen

ASTANA. KAZINFORM – Búgin Eýrokomıssııada Eýroodaqtyń atqarýshy prezıdenti Ýrsýla fon der Lıaıen Iranǵa qatysty taǵy bir málimdeme jasady, dep habarlaıdy Kazinform agenttiginiń Brıýsseldegi menshikti tilshisi.

Taıaý Shyǵystaǵy jaǵdaı áli de turaqsyz kúıde qalyp otyr.

Ýrsýla Lıaıenniń pikirinshe, Iran halqy óz bolashaǵyn ózderi anyqtaý quqyǵyna ıe. Sonymen qatar shıelenisti azaıtý jáne onyń taralýyna jol bermeý úshin barlyq múmkin sharany qoldaný qajet. Qaqtyǵysty sheshýdiń tıimdi joly dıplomatııalyq ádister bolýy tıis. 

– Búgin biz Qaýipsizdik Keńesiniń otyrysynda jalpy jaǵdaıdy talqylaımyz. Óıtkeni energetıkadan atom energetıkasyna deıin, mıgratsııadan qaýipsizdikke deıin Eýropa keıingi oqıǵalardyń saldaryna daıyn bolýy kerek, - dedi Ý.Leıen. 

Buǵan deıin Eýrokomıssııa tóraǵasy Ýrsýla fon der Lıaıenniń BAÁ prezıdenti Muhammed ben Zaıd Al-Nahaıanmen aımaqtaǵy jaǵdaıdyń shıelenisýine baılanysty telefon arqyly sóıleskenin habarlaǵanbyz. Ekeýara áńgime Taıaý Shyǵystaǵy qaqtyǵystyń kúrt shıelenisýi aıasynda órbidi.