Taıaý Shyǵystaǵy ahýal: Tramp Iranmen bitimdi uzartty
ASTANA. KAZINFORM — Bul týraly AQSh prezıdenti Donald Tramp Truth Social áleýmettik jelisinde málimdedi.
Donald Tramp Iranmen aradaǵy atysty toqtatý rejımin jáne bitimdi Tegeran ókilderi beıbit retteý boıynsha usynysyn usynǵanǵa deıin ári kelissózder aıaqtalǵansha uzartqanyn jarııalady.
Sonymen qatar, ol AQSh qarýly kúshterine blokadany jalǵastyrýdy jáne «barlyq baǵytta áreket etýge tolyq daıyn bolýdy» tapsyrǵanyn atap ótti.
Buǵan deıin Vashıngton jarııalaǵan eki aptalyq bitimniń merzimi sársenbi kúni keshke (AQSh-tyń shyǵys ýaqytymen), Astana ýaqyty boıynsha beısenbi tańynda aıaqtalýy múmkin ekeni habarlanǵan bolatyn. Alaıda taraptar naqty merzim boıynsha biryńǵaı ustanym bildirmegen.
Kazinform agenttiginiń Taıaý Shyǵystaǵy menshikti tilshisi daıyndaǵan materıalda Vashıngton men Tegeran arasyndaǵy kelissózderge qatysty negizgi sıgnaldar, saraptamalyq baǵalar jáne yqtımal stsenarııler qamtylǵan.
Osyǵan deıin AQSh Úndi muhıtynda Iran munaıy tıelgen tankerdi ustaǵany belgili boldy.
