Taıaý Shyǵystaǵy ahýal Ortalyq Azııanyń ál-aýqatyna janama qaýip tóndiredi — Murat Nurtileý
ASTANA. KAZINFORM — QR Premer-mınıstriniń orynbasary — Syrtqy ister mınıstri Murat Nurtileý Taıaý Shyǵystaǵy jaǵdaıǵa qatysty pikir aıtty.
— Taıaý Shyǵystaǵy ahýalǵa toqtalsaq, óńirdegi turaqsyzdyq Ortalyq Azııanyń ál-aýqatyna janamaly, al keıde tikeleı qaýip tóndiredi. Aımaqtyq jáne álemdik faktorlardyń múddesi qıylysqan kúrdeli óńirde beıbitshilik ornaýy úshin Qazaqstan dıplomatııalyq ári saıası kúsh-jigerin jumsaýǵa árqashan daıyn, — dedi Murat Nurtileý Majarstannyń Syrtqy ekonomıkalyq baılanystar jáne syrtqy ister mınıstri Peter Sıııartonyń elordaǵa sapary aıasyndaǵy kezdesýden keıin BAQ ókilderi aldynda málimdeme jasaı turyp.
Buǵan deıin Majarstannyń prezıdenti Tamash Shýıok jáne Parlament spıkeri Laslo Keverdiń Qazaqstanǵa resmı saparpen keletini týraly habarlaǵan edik.
Sondaı-aq Qazaqstanda majar tili oqytylatyny belgili boldy.
Aıta keteıik, búgin Majarstannyń Syrtqy ekonomıkalyq baılanystar jáne syrtqy ister mınıstri Peter Sıııarto elordaǵa resmı saparmen keldi.