Taıaý Shyǵystaǵy ahýal: Qansha qazaqstandyq elge oraldy

ASTANA. KAZINFORM — Qazirgi tańda Qazaqstanǵa 946 jolaýshy qaıtaryldy, dep habarlaıdy Kólik mınıstrliginiń baspasóz qyzmeti.

4 naýryz kúni Taıaý Shyǵys elderinen qaıtarylǵan Qazaqstan azamattary mingen ushaqtar el áýejaılaryna kelip qondy.

Air Astana kompanııasy Medına men Jıddadan birneshe reıs oryndady:

KC2202 reısi Aqtaý qalasyna saǵat 21:28–de qondy, bortta 142 adam boldy;

KC2208 Medına — Atyraý baǵyty boıynsha saǵat 01:19–da qondy, 145 adam;

KC2206 Jıdda — Atyraý baǵyty boıynsha saǵat 02:50–de qondy, 174 adam;

KC2204 Jıdda — Atyraý baǵyty boıynsha saǵat 03:34–te qondy, 179 adam boldy.

Sonymen qatar, SCAT áýe kompanııasy Boeing 767 áýe kemesimen Almaty — Maskat — Almaty baǵyty boıynsha reıs oryndalyp jatyr. Ushaqta shamamen 290 oryn bar.

— Qazirgi tańǵa deıin Qazaqstanǵa 946 jolaýshy qaıtaryldy. Qazaqstan azamattaryn elge qaıtarý jumystary jalǵasyp jatyr, — delingen mınıstrlik habarlamasynda.

Buǵan deıin Atyraý qalasyna Saýd Arabııasynyń Medına qalasynan ushyp kelgen charterlik reıs qonǵanyn jazǵanbyz.