Taıaý Shyǵysta shıelenis: Iran Izraılge 100-den astam dron jiberdi
ASTANA.KAZINFORM — Sońǵy birneshe saǵat ishinde Iran Izraıl baǵytyna 100-den astam ushqyshsyz ushý apparatyn (dron) jiberdi, dep jazdy Kazinform agenttiginiń tilshisi The Jerusalem Post-qa silteme jasap.
Bul týraly Izraıl Qorǵanys armııasynyń (TsAHAL) ókili, brıgadalyq general Effı Defrın juma kúngi baspasóz konferentsııasynda habarlady.
Onyń aıtýynsha, Izraıldiń 200-den astam áskerı ushaǵy Irandaǵy 100-den astam nysanǵa soqqy jasaǵan, bul operatsııa kezinde 330-dan astam oq-dári qoldanylǵan.
General drondardyń Izraılge naqty qashan jetetinin naqtylamady, biraq ızraıldik basylymnyń jazýynsha, 2025 jylǵy sáýir aıynda osyndaı ushqyshsyz apparattar jolda birneshe saǵat júrgen.
Buǵan deıin habarlanǵandaı, Izraıl Iranǵa soqqy berip, áýe keńistigin jaýyp tastady.
Osy jaǵdaıǵa baılanysty Tel-Avıvtegi QR elshiligi Izraıldegi Qazaqstan azamattaryna úndeý jasady.
Air Astana toby Iran men Irak áýe keńistiginiń jabylýyna baılanysty keıbir Air Astana jáne FlyArystan turaqty jáne charterlik reısteriniń baǵytyndaǵy ózgerister týraly jolaýshylardy habardar etti.
Izraıldiń Iranǵa jasaǵan soqqysynan keıin munaı baǵasy kúrt kóterildi.