Taıaý Shyǵys stýdentteri oqýlaryn Qazaqstanda jalǵastyrýǵa qyzyǵýshylyq tanytýda
ASTANA. KAZINFORM – Taıaý Shyǵystaǵy joǵary oqý oryndarynda bilim alyp jatqan stýdentter oqýlaryn Qazaqstanda jalǵastyrýǵa qyzyǵýshylyq tanytýda. Olardyń ishinde sheteldikter de bar. Bul týraly Ǵylym jáne joǵary bilim mınıstri Saıasat Nurbek málim etti.
Onyń dereginshe, búginde 2,5 myńnan astam qazaqstandyq stýdent Taıaý Shyǵys elderiniń joǵary oqý oryndarynda bilim alyp jatyr. Olardyń basym bóligi, naqty aıtqanda 1 722-si Birikken Arab Ámirlikterinde oqıdy. Qazirgi ýaqytta óńirdegi ahýalǵa baılanysty kóptegen ýnıversıtet oqý protsesin onlaın formatqa kóshirgen.
- Bir jaǵynan bul biz úshin óte jaqsy múmkindik. Qazirgi ýaqytta bizge stýdentterdiń aýysýyna qatysty ótinimder kóptep túsip jatyr, tipti sheteldikter de bar. Biz ótinimderdi qaraımyz. Qalaı aýysýǵa bolatynyna, qaıda aýysýyna bolatynan qatysty 500-den astam aqparattyq suranys tústi. Barynsha naqty aqparatty mamyrda bere alamyz, - dedi Saıasat Nurbek Úkimet otyrysynan keıingi brıfıngte.
Mınıstrdiń málimetinshe, «Bolashaq» baǵdarlamasy arqyly Taıaý Shyǵys elderinde bilim alyp jatqan stýdent joq.
Buǵan deıin AQSh-tyń tanymal ýnıversıtetteri «Bolashaq» tiziminen nelikten alynǵanyn jazǵan edik.
