Taıaý Shyǵys elderiniń qorǵanys bıýdjeti qandaı
ASTANA. KAZINFORM — Áskerı qaqtyǵys ýshyqqan tusta Taıaý Shyǵys elderi qorǵanys shyǵynyn qaıta qaraýǵa kóshken. Kursiv.media basylymy aımaqtaǵy memleketterdiń qaýipsizdikke qansha qarjy jumsaıtynyn jarııalady.
Aqparatta Global FirePower reıtınginiń málimeti mysalǵa keltirilgen. Onda Taıaý Shyǵys elderiniń ǵalamdyq reıtıngtegi orny kórsetilgen.
Sonymen, Taıaý Shyǵysta qorǵanys shyǵyny boıynsha Saýd Arabııasy kósh basynda. Memleket qorǵanys salasyna 71,7 mlrd AQSh dollaryn bólgen. Al Túrkııa – 40 mlrd AQSh dollary, BAÁ –15,5 mlrd AQSh dollaryn shyǵyndaǵan.
Bul baǵytta Izraıl 24,4 mlrd dollar jumsasa, Irannyń qorǵanys bıýdjeti 10 mlrd dollarǵa baǵalanyp otyr.
Eskeretin jaıt, uıym áskerı tehnıkanyń sapasy, kadr daıarlyǵy, tehnologııalyq artyqshylyǵy men aımaqtaǵy yqpalyn da qaperge alǵan. Sondyqtan keı eldiń qorǵanys bıýdjeti kóp bolǵanymen, tizimde sapa men áskerı tájirıbe turǵysynan ózge memleketten keıin qalyp otyr.
Mysaly, reıtıngte Izraıl – 17-oryn, Iran – 14-orynda ekenin baıqaýǵa bolady. Al qorǵanys shyǵyny kóp Kýveıt, Oman, Lıvııa sekildi elder 70-80-oryndarda tur.
Buǵan deıin Izraıl Iranmen atysty toqtatýǵa kelisken bolatyn. Keıin Tel-Avıv Tegerandy zymyran atty dep aıyptap, atysty toqtatý rejımi buzyldy.