Taıaý Shyǵys elderinen Qazaqstan azamattaryn elge qaıtarý: búgin birneshe reıs josparlanyp otyr
ASTANA.KAZINFORM - Taıaý Shyǵys elderinen Qazaqstan azamattaryn elge qaıtarý jumystary jalǵasyp jatyr. Bul týraly Azamattyq avıatsııa komıteti habarlady.
Búgin Qazaqstan azamattaryn elge qaıtarý jumystary aıasynda Air Astana áýe kompanııasynyń eki reısi josparlanǵan:
Jıdda – Aqtaý – Almaty baǵyty boıynsha A320 áýe kemesi (148 oryn) jáne Jıdda – Atyraý – Almaty baǵyty boıynsha A321 áýe kemesi (184 oryn) ushyp shyǵady. Sondaı-aq Fly Dubai áýe kompanııasynyń Dýbaı – Almaty boıynsha eki reısi, Dýbaı-Astana baǵyty boıynsha bir reısi josparlanǵan (506 jolaýshy).
Qazaqstan azamattaryn elge tasymaldaýdy qamtamasyz etý jumystary ýákiletti memlekettik organdarmen úılestire otyryp jalǵasyp keledi.
Aıta keteıik, búgin Almatyǵa Omannan evakýatsııalanǵan 300-den astam qazaqstandyq ushyp keldi.
Atyraý qalasyna Saýd Arabııasynyń Medına qalasynan ushyp kelgen charterlik reıs qondy.
Qazaqstan Taıaý Shyǵys elderinen ushatyn evakýatsııalyq reısterde bos oryn bolǵan jaǵdaıda ózge el azamattaryn da alyp ketý múmkindigin qarastyrýǵa daıyn. Bul týraly Syrtqy ister mınıstrliginiń resmı ókili Erlan Jetibaev aıtty.
