Taıaý Shyǵys elderinen qansha qazaqstandyq elge qaıtaryldy
ASTANA.KAZINFORM - Qazaqstan Syrtqy ister mınıstrligi quzyrly memlekettik organdarmen birlesip, Taıaý Shyǵystan azamattarymyzdy qaıtarý jumystaryn jalǵastyryp jatyr.
Óńirdegi Qazaqstannyń dıplomatııalyq ókildikteri jergilikti jerde is-qımyldardy úılestirý jumystaryn jalǵastyryp, otandastarymyzben turaqty baılanysta.
Mınıstrlik málimetinshe, evakýatsııa bastalǵaly beri Taıaý Shyǵys elderinen 8585 qazaqstandyq elge qaıtarylǵan.
Aıta keteıik, Qazaqstan Izraılden óz azamattaryn evakýatsııalaýǵa járdem surady.
Air Astana kompanııalar toby Birikken Arab Ámirlikterden 28 aqpan men 10 naýryz aralyǵynda reısteri toqtatylǵan Air Astana jáne FlyArystan áýe kompanııalarynyń jolaýshylaryn alyp ketý úshin 10 naýryzda repatrıatsııalyq reısterdi oryndaýdy josparlap otyr.
Ózbekstan Taıaý Shyǵys elderinen 19,3 myńnan astam otandasyn evakýatsııalady.