Taıaý Shyǵys elderi aýmaǵynan 2463 Qazaqstan azamaty evakýatsııalandy

ASTANA.KAZINFORM -  Qazaqstan Syrtqy ister mınıstrligi Taıaý Shyǵystaǵy qaqtyǵys aımaǵynan otandastardy evakýatsııalaý týraly 5 naýryzdaǵy sońǵy derekterdi jarııalady.

– Búgingi kúngi jaǵdaı boıynsha Taıaý Shyǵys elderiniń aýmaǵynan Qazaqstan Respýblıkasynyń 2463 azamaty evakýatsııalandy, - delingen habarlamada.

Aıta keteıik, 4 naýryzdan 5 naýryzǵa qaraǵan túni Qazaqstanǵa Air Astana jáne Flydubai áýe kompanııalary 5 reıs jasady. Osy reıstermen elge 851 jolaýshy jetkizildi.

Búgin tańǵy saǵat 05:00 shamasynda Atyraý qalasyna Saýd Arabııasynyń Jıdda qalasynan 180 jolaýshy mingen ushaq qondy. Keıin olar Almaty qalasyna ushyp ketti.

Taıaý Shyǵys baǵytyndaǵy áýe qatynasy 10 naýryzǵa deıin toqtatyldy.

Qazaqstan Irandaǵy qaıǵyly oqıǵalarǵa baılanysty kóńil aıtty.