Taıaý Shyǵys aımaǵynan Qazaqstan azamattaryn evakýatsııalaý aıaqtaldy
ASTANA.KAZINFORM – QR Syrtqy ister mınıstrligi Taıaý Shyǵys aımaǵynan Qazaqstan azamattaryn evakýatsııalaý jumysy aıaqtalǵanyn habarlady.
Jalpy alǵanda Qazaqstanǵa 10 275 Qazaqstan Respýblıkasynyń azamaty qaıtaryldy.
Qazaqstan azamattaryn evakýatsııalaý ártúrli baǵyttar arqyly, onyń ishinde áýe jáne qurlyq joldarymen júzege asyryldy.
Qazaqstan Respýblıkasynyń óńirdegi dıplomatııalyq ókildikteri jergilikti jerlerde shet memleketterdiń quzyretti organdarymen ózara is-qımyldy úılestirip, otandastarmen turaqty baılanysta bolyp, Qazaqstan azamattaryna qajetti kómek kórsetti.
– Qazaqstan Respýblıkasynyń Syrtqy ister mınıstrligi qazaqstandyqtardyń Otanyna qaýipsiz oralýyn qamtamasyz etýge kórsetken qoldaýy úshin memlekettik organdarǵa jáne sheteldik áriptesterge alǵys bildiredi, - delingen habarlamada.
Qazaqstannyń memlekettik organdary men dıplomatııalyq ókildikteriniń uıymdastyrýymen Taıaý Shyǵys óńirinen Qazaqstanǵa 9 926 qazaqstandyq azamat qaıtarylǵanyn jazǵan bolatynbyz.
Jalpy alǵanda6 Qazaqstanǵa 10 275 Qazaqstan Respýblıkasynyń azamaty qaıtarylǵan.
Taıaý Shyǵystaǵy jaǵdaıǵa baılanysty 4 myńnan astam qazaqstandyqqa qoldaý kórsetildi.
