Taıaý Shyǵys arqyly jetkizilimge qaýip kúsheıip, munaı baǵasy ósti
ASTANA.KAZINFORM - Álemdik naryqta munaı baǵasy 18 tamyz kúni tańerteń barreline $2-den astam qymbattady. Buǵan AQSh pen Iran arasyndaǵy kelissózder boıynsha jaǵdaıdyń kúrdelenýi jáne Ormýz buǵazy arqyly munaı jetkizilimine qatysty qaýiptiń artýy sebep boldy, dep habarlaıdy Reuters.
Brent markaly munaı fıýchersteriniń baǵasy barreline $91,14-ke deıin kóterildi.
AQSh-tyń WTI markaly munaıy $85,04-ke deıin qymbattady.
Eki marka da shilde aıynyń sońynan bergi eń joǵary deńgeıge jetti.
Munaı baǵasynyń ósýi AQSh pen Iran arasynda jańa kelisimge qol jetkizý múmkindigi tómendegennen keıin jedeldedi.
Ýaqytsha bitim merziminiń aıaqtalýy da naryqtaǵy alańdaýshylyqty kúsheıtti.
Tegerannyń áskerı ustanymyn qatańdatatyny týraly málimdemesi munaı naryǵyna qosymsha qysym jasady.
Naryq qatysýshylary munaı tasymaly úshin strategııalyq mańyzy bar Ormýz buǵazyndaǵy jaǵdaıdy da jiti baqylap otyr.
Reuters málimetinshe, buǵaz arqyly tankerlerdiń qozǵalysy kúrt baıaýlaǵan.
Senbi kúni buǵazdan bes tanker ǵana ótken.
Jeksenbide birde-bir tanker tirkelmegen.
Salystyrý úshin, bir apta buryn demalys kúnderi buǵaz arqyly 31 keme ótken.
Qyzyl teńizdegi hýsıtterdiń kemelerge jasaǵan shabýyldary da naryq úshin qosymsha qaýip bolyp otyr.
Osyǵan baılanysty ınvestorlar munaı tasymalynyń eki mańyzdy teńiz baǵyty – Ormýz jáne Bab-el-Mandeb buǵazdarynda qatarynan úzilýi múmkin dep alańdaıdy.
Aıta keteik, 17 tamyzdaǵy jaǵdaı boıynsha Brent markaly munaıdyń barreli 0,28 tsentke qymbattap, 88,80 dollarǵa jetti
