Taıaý kúnderi Qazaqstannyń soltústiginde qalyń qar túsip, burqasyndatyp, jel kúsheıedi dep kútilýde
ASTANA. QazAqparat - Taıaý kúnderi Qazaqstannyń soltústiginde qalyń qar túsip, boran soǵady, kúshti jel turady dep kútilýde, dep habarlady «Qazgıdromet» RMK.
«Qazaqstannyń ortalyq aýdandarynda ornalasqan tsıklon tylyna Karsk teńizinen arktıkalyq aýa kelip túsedi. Sondyqtan soltústik oblystarda túngi temperatýra kóterilip, 23-30º-ǵa deıin aıaz bolady dep kútilýde. Bul normadan 4-8º tómen.
Jaqyn táýlikterde bul aýdandarda qar jaýyp, burqasyndatady, batystan 15-25 m/s jel soǵady dep kútilýde. Al respýblıkanyń ońtústigi belsendi frontaldyq aımaq yqpalynda bolady, bul jerlerde 7-9 qańtarda jaýyn-shashyn, tuman, kóktaıǵaq oryn alady dep kútilýde. Jerortateńizi aýdanynan jyly, ylǵaldy aýa ákelgen ońtústik-batys aǵyndardyń yqpalymen temperatýra ádettegiden 3-6º joǵary bolady dep boljanýda», - delingen habarlamada.
