Taıaý kúnderi Qazaqstanda aýa temperatýrasy tómendeıdi
ASTANA. QazAqparat - Taıaý kúnderi Qazaqstanda aýa temperatýrasy tómendeıdi. Sýyq atmosferalyq aǵyn respýblıkanyń ońtústigine deıin jetedi, dep habarlaıdy «Qazgıdromet» RMK.
13-15 tamyz kúnderi tsıklon jáne onymen baılanysty atmosferalyq aǵyndar Qazaqstan aýmaǵy arqyly Altaıǵa ótedi. Bul tsıklonmen birge respýblıkanyń kóptegen oblystarynda jaýyn-shashyn, naızaǵaı, keı jerlerde burshaq, kúshti ekpindi jel jáne aýa temperatýrasynyń tómendeýi kútiledi.
Ońtústik oblystar 13 tamyzda, ońtústik-shyǵys oblystary 14-15 tamyzda sýyq atmosferalyq aǵyndardyń áserinde bolady. Sondyqtan munda da ótkinshi jańbyrlar, naızaǵaılar, jeldiń kúsheıýi men aýa temperatýrasynyń tómendeýi kútilýde.
