Taıaý kúnderi aptap ystyq basylady - Qazgıdromet
ASTANA. QazAqparat - «Qazgıdromet» RMK 4-6 tamyz kúnderi Qazaqstan aımaqtarynda aýa temperatýrasynyń birtindep tómendeıtini týraly habarlap otyr.
Tamyzdyń alǵashqy kúnderi Qazaqstannyń batys aımaǵynda bolǵan +40...44º aýa temperatýrasy áýeli soltústik-batys, sodan keıin soltústik aýa aǵyndarynyń áserinen basylady.
Taıaý táýlikterde respýblıkanyń batysy men soltústiginde aýa temperatýrasynyń tómendeýi kútilip otyr. 6 tamyz kúni sýyq atmosferalyq aǵynnyń ótýimen Qazaqstannyń batys, soltústik jáne ortalyǵynyń keı jerlerinde jańbyr jaýyp, aýa temperatýrasy tómendeı bastaıdy.
Respýblıkanyń ońtústigi men ońtústik-shyǵysynda aldaǵy táýlikterde óte qatty ystyq bolady, kúndiz aýa temperatýrasy +40..43º-qa deıin kóteriledi, biraq 5-6 tamyzda ońtústik-batys aǵyndar soltústik-batys aǵyndarǵa aýysyp, ystyq kún raıy birtindep basylady.
