Taıaý 5 jylda elordada sýmen jabdyqtaý qyzmetteriniń tarıfi 3-5 esege qymbattamaq
«Elorda ákimdigi 2035 jylǵa deıingi keleshekte qajetti kólemde turaqty sýmen jabdyqtaýdy qamtamasyz etý maqsatynda Sátbaev kanalynan úshinshi Sorǵy-súzgi stansaǵa deıin beriletin sý qubyryn salý máselesin qarastyrýda. Osy joba boıynsha jobalaý-izdestirý jumystaryn 2024 jyly bastaý josparlanǵan. Qajetti qarajat kólemi memlekettik vedomstvodan tys saraptama jobasynan ótkennen keıin aıqyndalatyn bolady», - dedi ákimdik agenttiktiń resmı saýalyna bergen jaýabynda.
Usynylǵan aqparatqa qaraǵanda sý qubyryn jobalaýdy shamamen 2025 jyly aıaqtaý josparlanyp otyr.
«Qala turǵyndaryn aýyz sýmen qamtamasyz etýdiń balamaly joldarynyń biri - halyq úshin sýmen jabdyqtaý qyzmetterine tarıfti taıaýdaǵy 5 jylda orta eseppen 3-5 esege arttyrý. Bul jol elorda turǵyndarynyń aýyz sýdy únemdi jáne uqypty paıdalanýyna yqpal etetin bolady. Sonymen qatar, bul turǵyn úıler men páterlerde sýdy únemdeıtin santehnıkalyq qurylǵylardy ornatýǵa jáne paıdalanýǵa ákeledi», - dep naqtylaıdy ákimdikten.
