Taıaý 4 jylda Qazaqstanda sanıtarlyq aǵash kesýdiń barlyq túrlerine moratorıı engiziledi
ASTANA. QazAqparat - QR AShM Orman sharýashylyǵy jáne janýarlar álemi komıteti QR sanıtarlyq aǵash kesýdiń barlyq túrlerine moratorıı engizýdi usyndy, dep habarlaıdy primeminister.kz.
QR AShM Orman sharýashylyǵy jáne janýarlar álemi komıteti tóraǵasynyń m.a. Qaırat Ústemirovtiń aıtýynsha, taıaý 4 jyldaǵy moratorıı tabıǵatqa «demalýǵa» múmkindik beredi.
«Orman sharýashylyǵy jáne janýarlar álemi komıteti qazirgi ýaqytta QR sanıtarlyq aǵash kesýdiń barlyq túrlerin jabý máselesin qarap jatyr. Óńirlerdiń qatysýymen ótken keńeste biz sońǵy 3-4 jylda respýblıka boıynsha sanıtarlyq aǵash kesý kóleminiń artýyna baılanysty osyndaı usynys jasadyq. Sanıtarlyq aǵash kesýge belgili bir ýaqytqa moratorıı engizý nusqasyn qarastyryp jatyrmyz», - dep málimdedi Ústemirov QR AShM brıfıngi barysynda.
Onyń aıtýynsha, kelesi aptada depýtattardyń, «Atameken», qoǵamdyq uıymdar ókilderiniń jáne t.b. qatysýymen dóńgelek ústel ótedi.
