Taıaý 3 jylda kolledjderdiń materıaldyq-tehnıkalyq bazasyn jańartýǵa 13.4 mlrd. teńge bólinedi
ASTANA. QazAqparat - Taıaý 3 jylda kolledjderdiń materıaldyq-tehnıkalyq bazasyn jańartýǵa 13.4 mlrd. teńge bólinedi. Bul týraly búgin «Kásiptik bilim jáne bıznes: seriktester suhbaty» atty V halalyq forýmda QR Bilim jáne ǵylym mınıstrliginiń basqarma bastyǵy Qalamqas Alǵazına málim etti.
2014-2016 jyldary aralyǵynda kásiptik jáne tehnıkalyq bilim salasynda vedomstvonyń júrgizýdi josparlap otyrǵan sharalaryna toqtalǵan onyń sózine qaraǵanda, birinshi kezekte uıymdarmen dýaldy bilim berýge baılanysty kelisimsharttar jasalady. Budan bólek, elimizdegi kolledjderge túgendeý jumystary júrgizilip, olardyń ınfraqurylymyn jaqsartý máselesi qarastyrylady.
«Taıaý úsh jyldyń ishinde kolledjderdiń materıaldyq-tehnıkalyq bazasyn 13.4 mlrd. teńge somasyna jańartý josparlanyp otyr. Onyń ishinde respýblıkalyq bıýdjetten 3.7 mlrd. jergilikti bıýdjetten 9.7 mlrd. teńge bólinedi», - dedi ol.
