Taıaý 10 jylda elimizde 660 myń jańa jumys orny qurylady - N.Nazarbaev
«Bıznesti damytý múddesi úshin ekonomıka men eńbek qatynastary salasyndaǵy ulttyq zańnama qaıta túrlendi. Fermerler men agrarlyq kásiporyndardy qosa alǵanda otandyq iri, orta jáne shaǵyn bıznes úshin barynsha jaıly sharttar men yntalandyrý tetikteri quryldy. Búkil elde jańa óndirister men jańa jumys oryndary paıda bolýda. Taıaý 10 jylda 660 myń, onyń ishinde qaıta óńdeý men ınnovatsııalyq sektorlarda 70 myń jańa jumys oryndary qurylady», - dedi QR Prezıdenti.
Elbasynyń atap ótýinshe, Qazaqstan ekonomıkasyna jańa ınvestıtsııalyq serpin berildi. Elimiz bıznes júrgizý jeńildigi ındeksinde álemniń 189 eli arasynda 41-shi, al eńbek naryǵynyń tıimdiligi boıynsha 140 eldiń arasynda 18-shi orynda tur.
«Elimizde júrgizilip jatqan zańdastyrý aıasynda tolyqtaı alǵanda 74,4 myń nysan men 576 mlrd. teńgeniń qundy qaǵazdary, sonymen birge 334 mlrd. teńge qarjy jekeshelendirildi», - dedi N.Nazarbaev.
