Taı sulýlyq hanshaıymy qoqys jınap júrgen anasynyń aldynda tize búkti (FOTO)
ASTANA. QazAqparat - Taılandta sulýlyq hanshaıymy atanǵan boıjetken qyzyn ash qaldyrmaý úshin qoqys jınap júrgen anasynyń aldynda tize búkti.
Sypyrýshy bolyp jumys isteıtin kedeı anasynyń aıaǵyna jyǵylǵan Taılandtyń sulýlyq hanshaıymynyń sýretteri áleýmettik jelilerdi paıdalanýshylardyń kóńilin bosatty. 17 jasar sulý boıjetken ózine qoldaý ári shabyt bergen anasyna alǵysyn osylaı bildirgen, dep habarlaıdy CCTV.
Sulýlyq hanshaıymynyń anasy qyzyn jalǵyz ósirip, qoqys jınap, ony tapsyrýdan túsken aqshaǵa kún kórgen.
Miss Uncensored News Thailand 2015 baıqaýyndaǵy jeńisinen keıin boıjetken týǵan qalasyna oraldy. Qysqa qara kóılek kıip, basynda jarqyrap turǵan dıadema taǵylǵan ol qoqys tastaıtyn jáshikterdiń qasynda anasynyń aıaǵyna jyǵylyp, odan keıin bıik ókshesi bar aıaq kıimin sheship, oǵan kómektesýge kirisken.
