Taı elinde bir boksshymyz altynǵa talasady
ASTANA. QazAqparat - Bokstan Bangkokta «Korol Kýbogy» úshin ótip jatqan halyqaralyq týrnırde bir jerlesimiz fınalǵa shyqty, dep habarlaıdy QazAqparat tilshisi.
Taıland tórindegi dodaǵa elimizdiń atynan jeti boksshy attanǵan bolatyn. Keshe jartylaı fınalǵa shyqqan úsh boksshymyzdyń ishinen tek 69 kelige deıingi salmaqta synǵa túsken Sadrıddın Ahmedov fınalǵa shyqty. Otandasymyz jartylaı fınalda fılıppın boksshysy Joel Bahony jeńdi. Endi ol altyn medal úshin ózbek boksshysy Shahram Gııasovpen judyryqtasatyn bolady.
Aıta ketsek, Keshe jartylaı fınaldaǵy jekpe-jekterde 52 kelige deıingi salmaqta Azat Mahmetov kýbalyq Zaldıvar Santısteba Frankqa jol berse, 75 kelige deıingi salmaqta Erik Áljanov «Bostandyq aralynyń» boksshysy Iglesıas Estrada Osleıden utylyp qaldy. Nátıjesinde eki boksshymyz qola júldeni qanaǵat tutty.
