Taı boksy: Qazaqstandyqtar Eýropa chempıonatynda aıdy aspanǵa shyǵardy
ASTANA. 30 shilde. QazAqparat - Qazaqstandyq Valım Loparev pen Elaman Saıasatov mýaıtaıdan (taı boksy) Eýropa chempıony atandy,
dep habarlaıdy Vesti.kz saıty.
Portýgalııanyń astanasy Lıssabonda ótken týrnır tek eresekter arasynda ǵana emes, sonymen birge jastar arasynda da ótkizildi.
Qazaqstandyq jasóspirimder quramasy bes medal oljalady, ishinde altyn da bar. 45 keli salmaq dárejesinde atyraýlyq Elaman Saıasatov jeńimpaz atandy.
Taǵy úsh sportshy - Abylaı Quralbaev (48 kelige deıin), Raıymbek Sembek (60 kelige deıin) jáne Oljas Qalıjanov (71 kelige deıin) fınalǵa shyqty, alaıda qarsylastaryna ese jiberip, kúmisti qanaǵat tutty. Qazaqstandyq sportshylardyń taǵy biri - Qýanysh Saýatov (75 keli) qola enshiledi.
Eresekter komandasy da jaqsy nátıjege qol jetkizdi. 75 kelige deıingi salmaqta qaskeleńdik Vadım Loparev qarsylas shaq keltirmeı, chempıon atandy. Komanda quramyndaǵy ózge tórt sportshy ekinshi orynǵa ıe boldy. Olar - Ishan Galıev (54 kelige deıin), Aman Qabdollaev (57 kelige deıin), Tahır Agıshev (63,5 keli) jáne Rústem Aqjanov (71 kelige deıin). Al Rústem Áshimbaev (67 kelige deıin) qola júldeger atandy.
