Taýyq etinen ýlanyp, múgedek bolǵan qyz balaǵa KFC kompanııasy 8,3 mln dollar tóleýge mindetteldi
ASTANA. 30 sáýir. QazAqparat - Avstralııa soty KFC tez tamaqtaný jelisine taýyq etinen jasalǵan taǵamnan ýlanyp, sodan týyndaǵan aýrýdan mıyna aýyr zaqym kelgen qyz balaǵa 8,3 mln dollar kóleminde aıyppul tóleýge mindetteldi.
Monıka Samaan 2005 jyly Sıdneı mańyndaǵy KFC meıramhanasynda «tvıster» jep, salmonellez dertine shaldyqqan, dep habarlaıdy reseılik jańalyqtar qyzmeti.
Aýyr dertten qyz bala qozǵalý qabiletinen aıyrylyp, til-aýzy baılanyp, ómir boıyna múgedek arbasyna tańylǵan.
Jańa Ońtústik Ýels avstralııalyq shtatynyń Joǵarǵy soty KFC kompanııasy qyzdy emdeý jáne oǵan kútim kórsetý mindetin oryndamaǵandyǵyna baılanysty 8 mln avstralııalyq dollar kóleminde aıyppul saldy (8,3 mln AQSh dollary), dep jazdy BNews.kz saıty.
