Taýly jerdiń turǵyndaryna semizdik qaýipti emes - BAQ

Taýly óńirler turǵyndarynda artyq salmaq qaýpi tómen bolady. AQSh-tyń Merılend ýnıversıtetiniń ǵalymdary osylaı dep otyr, dep jazdy "Alash aınasy" germanytraveling.ru saıtyna silteme jasap.

The Daily Mail-diń habarlaýynsha, Djeısm Ýoss bastaǵan ǵalymdar toby Koloradoda turatyn 400 myń adamnyń málimetterin taldaǵan. Zertteýdiń nátı­je­sinde kútpegen qyzyq jaıt anyqtaldy: turǵyndardyń tirshilik etý ortasy 660 fýtqa (200 m) bıiktegen saıyn olardyń artyq salmaqtary azaıa túsken. Mysaly, teńiz deńgeıinen úsh shaqyrym bıikte ómir súretin 236 adamnyń eshqaısysynan semizdik belgisi baıqalmady. Olardyń arasynda sportpen shuǵyldanatyndar kóp, al shylym shegetinder az bolyp shyqty. Sonymen birge Ýosstyń toby eń tómengi bıiktikte ómir súretin adamdar denesi massasynyń ortasha ındeksi - 26,6-ǵa, al taýly óńirler turǵyndary­nyń dene massasynyń ortasha ındeksi 24,2-ge teń ekenin anyqtady.