Taýly Qarabaqtaǵy jaǵdaı: Reseı men Túrkııa baqylaý ortalyǵyn qurý týraly kelisti

MÁSKEÝ. TASS-QazAqparat – Reseı Federatsııasynyń Qorǵanys mınıstri Sergeı Shoıgý men Túrkııa áskerı bóliminiń basshysy Hýlýsı Akardyń beınebaılanys arqyly sóılesti. Júrgizilgen kelissózdiń qorytyndysy boıynsha Taýly Qarabaqtaǵy qaqtyǵysy toqtatýdy baqylaý jónindegi birlesken reseı-túrik ortalyǵyn qurý týraly memorandýmǵa qol qoıyldy. Bul týraly QazAqparat TASS agenttigine silteme jasap habarlaıdy.

«Kelissózder qortyndysy boıynsha Taýly Qarabaq qaqtyǵys aımaǵynda atysty toqtatý jáne barlyq áskerı is -qımyldardy baqylaý boıynsha birlesken ortalyq qurý týraly memorandýmǵa qol qoıyldy», - dep habarlady áskerı vedomstvodan.

Memorandýmda monıtorng boıynsha birlesken rrtalyqtyń mindetteri men prıntsıpteri aıqyndaldy.

Reseı Qorǵanys mınıstrligi habarlaǵandaı, Shoıgýdyń pikirinshe, Reseı men Ázerbaıjan prezıdentteri men Armenııa premer-mınıstri qol jetkizgen kelisimder, sondaı-aq reseılik bitimgerlerdi qaqtyǵys aımaǵyna engizý atysty, qantógisti toqtatýǵa jáne beıbit ómirge oralýǵa jaǵdaı jasaýǵa múmkindik berdi.

Atysty toqtatýdy baqylaý jónindegi birlesken ortalyq Ázerbaıjan aýmaǵynda ornalasady. Ortalyq qol jetkizilgen ýaǵdalastyqtardy buzýǵa baılanysty kez kelgen shaǵymdardy, máselelerdi qarastyratyn organ bolady.

Eske salsaq, 10 qarashada Taýly Qarabaqta atysty toqtatý týraly málimdemege qol qoıyldy. Sondaı-aq, Qazaqstan Respýblıkasy Syrtqy ister mınıstrligi Taýly Qarabaqtaǵy jaǵdaıǵa qatysty málimdeme jasady.