Taýly Qarabaqta Ázerbaıjannyń eki azamaty mınaǵa tústi

BAKÝ. TASS - QazAqparat – Taýly Qarabaqtaǵy shıelenisten keıin Bakýdyń baqylaýyna ótken Fızýlı aýdany aýmaǵynda Ázerbaıjannyń eki azamaty mınaǵa uryndy. Bul týraly senbi kúni Ázerbaıjan bas prokýratýrasy málim etti, dep habarlaıdy QazAqparat TASS agentigine silteme jasap.

«Aǵaıyndy ıAsın men Asıf Ahmedovter Fızýlı aýdanynda mınaǵa uryndy. ıAsın Ahmedov oqıǵa ornynda mert boldy, al aǵasy aýrýhanaǵa jetkizildi», - delingen vedomstvonyń habarlamasynda.

AZERTADJ agentiginiń habarlaýynsha, Ázerbaıjan bas prokýratýrasynda osy fakti boıynsha qylmystyq is qozǵalǵandyǵyn, saraptamalar taǵaıyndalǵandyǵyn atap ótti.

Prokýratýra qyzmetkerleri oqıǵa ornyna dereý tekserý júrgizip, sot-medıtsınalyq saraptama taǵaıyndady.

Eske salsaq, 27 qyrkúıekte Ázerbaıjan men Armenııa Taýly Qarabaqtaǵy jaǵdaıdyń ýshyǵýy týraly málimdedi. 10 qarashada Taýly Qarabaqta atysty toqtatý týraly málimdemege qol qoıyldy. Osy oqıǵaǵa baılanysty QR Syrtqy ister mınıstrligi málimdeme jasady.