Taýly Qarabaqta atysty toqtatý týraly málimdemege qol qoıyldy

MÁSKEÝ. TASS - QazAqparat – Reseı Prezıdenti Vladımır Pýtın Taýly Qarabaqta atysty toqtatý týraly kelisim jasalǵany týraly málimdedi, dep habarlaıdy QazAqparat TASS agenttigine silteme jasap.

Atalǵan málimdemege Ázerbaıjan Respýblıkasynyń Prezıdenti Álıev, Armenııa Respýblıkasynyń Premer-Mınıstri Pashınıan jáne Reseı Federatsııasynyń Prezıdenti qol qoıǵan. Onda 2020 jylǵy 10 qarashada Máskeý ýaqyty boıynsha 00 saǵat 00 mınýttan bastap Taýly Qarabaq aımaǵyndaǵy atysty jáne barlyq áskerı áreketterdi tolyq toqtatý týraly kelisim jarııalanǵan.

Kelisimge sáıkes, Reseı Federatsııasynyń bitimgershilik kontıngenti Taýly Qarabaqtaǵy baılanys syzyǵy boıynda jáne Taýly Qarabaqty Armenııa Respýblıkasymen baılanystyratyn dáliz boıynda ornalasady.

Іshki qonys aýdarýshylar men bosqyndar BUU Bosqyndar isteri jónindegi Joǵarǵy komıssarynyń baqylaýymen Taýly Qarabaq aýmaǵyna jáne oǵan irgeles aýdandarǵa qaıtarylady.

Eki el áskerı tutqyndar men basqa da ustalǵandarmen jáne qaza tapqandardyń máıitterin bir-birine beretin bolady.

Sonymen qatar, Reseı Fedaratsııasynyń Taýly Qarabaqqa baratyn reseılik bitimgerler Ýlıanovsk-Shyǵys aerodromynda áskerı kólik ushaqtaryna otyrǵyzylýda. Bul týraly RF Qorǵanys mınıstrligi habarlady .

«Ýlıanov-Shyǵys aerodromyna Ortalyq áskerı okrýgtiń bitimgershilik quramynyń alǵashqy bólimsheleri keldi. Bitimgershilik kontıngentin jóneltý úshin Il-76 áskerı-kólik ushaqtarynyń toby aerodromǵa shoǵyrlanǵan», - dedi vedomstvoda.

Eske salsaq, 10 qazanda da Armenııa men Ázerbaıjan Taýly Qarabaqta atysty toqtatý týraly kelisimge kelgen bolatyn. Alaıda bitimge qaramastan Taýly Qarabaqtaǵy jaǵdaı shıelenisip ketken edi.