Taýly Qarabaq qaqtyǵysy: EO zardap shekken turǵyndarǵa kómek kórsetedi
BRıÝSSELЬ. QazAqparat – Taýly Qarabaq aımaǵyndaǵy áskerı qaqtyǵys bastalǵannan keıin Eýropalyq odaq shıelenis shekarasyndaǵy eki jaqtyń da zardap shekken turǵyndaryna tótenshe gýmanıtarlyq kómek kórsetetinin málimdedi, dep habarlaıdy «QazAqparat» HAA menshikti tilshisi.
Brıýsseldiń qarjylandyrýy myńdaǵan turǵyndy medıtsınalyq qyzmetpen jáne qurylǵylarmen, azyq-túlikpen jáne basqa da jedel kómekpen qamtamasyz etýge múmkindik beredi.
«Taýly Qarabaq aımaǵyndaǵy áskerı qaqtyǵys beıbit turǵyndardyń ómirin qıyp jatyr. Halyqaralyq gýmanıtarlyq quqyqty saqtap, azamattar men ınfraqurylymdy qorǵaı alatynymyzǵa kepil bolýymyz kerek. Eýroodaq zorlyq-zombylyqtan zardap shekken adamdarmen birge birlikke shaqyrady jáne gýmanıtarlyq kómek kórsetýin toqtatpaıdy. Áskerı qaqtyǵysty dereý toqtatýǵa shaqyramyz», - dedi EO-nyń daǵdarys boıynsha basqarmasynyń komıssary ıAnez Lenarchıch.
Bastapqy qarjylandyrý 500 myń eýrony quraıdy. Ony Halyqaralyq Qyzyl krest komıteti syndy EO-nyń gýmanıtarlyq seriktesteri zardap shekkenderge kómek kórsetý úshin jumsaıdy.
EO-nyń barlyq qarjylandyrýy izgilik, beıtaraptyq jáne táýelsizdik qaǵıdattaryna sáıkes beriledi jáne halyqaralyq uıymdar, onyń ishinde BUU agenttikteri men ÚEU arqyly jiberiledi.
