Taýly Qarabaq aımaǵyndaǵy ahýal kúrdelene túsýde
27 qyrkúıekte bastalǵan Qarabaq janjaly aımaǵyndaǵy ahýal taraptar túıisetin barlyq jelide kúrdeli bolyp tur. Ázerbaıjan men Armenııa qorǵanys vedomstvolarynyń málimetterine qaraǵanda, janjal aımaǵynda artıllerııa, saýytty tehnıka, atys qarýlary qoldanylyp jatyr.
«Túni boıy ahýal birshama turaqty ári shıelenisti boldy. Jekelegen ýchaskelerde artıllerııa jáne atys qarýlaryn qoldaný jalǵasty. Qazirgi ýaqytta maıdannyń barlyq baǵytynda soǵys is-qımyldary qaıta jandandy», - delingen 2 qazan kúni Armenııa úkimeti janyndaǵy biryńǵaı aqparattyq ortalyq taratqan aqparatta.
«Túnde jáne 2 qazan kúni tańerteń soǵys is-qımyldary maıdannyń túrli baǵyttarynda jalǵasty», - dep habarlady óz kezeginde ÁZERTADJ Ázerbaıjan Qorǵanys mınıstrligine silteme jasap.
Kúni keshe ǵana EQYU-nyń Mınsk tobyna kiretin Reseı, AQSh jáne Frantsııa elderiniń prezıdentteri taraptardy shuǵyl túrde soǵys qımyldaryn toqtatýǵa shaqyrǵan edi.
Sondaı-aq QR Syrtqy ister mınıstrligi armıan-ázerbaıjan qaqtyǵysynyń ýshyǵýyna baılanysty málimdeme jasaǵan bolatyn.
