Taýly Qarabaq aýmaǵyndaǵy shıelenistiń ýshyǵýy jalǵasýda

BAKÝ. ÁZERTAJ – ARMENPRESS – QazAqparat – Ázerbaıjan Bardınsk aýdanynyń Garaıýsıflı aýylyna Armenııa tarapynan oq jaýdyrylǵanyn málimdedi. Saldarynan kem degende 4 adam qaza bolǵan, dep habarlaıdy QazAqparat.

«Bardınsk aýdanynyń Garaıýsıflı aýylyna saǵat shamamen 16.00-de Armenııa Qarýly kúshteriniń zeńbirekpen oq jaýdyrýy saldarynan mert bolǵan azamattyq tulǵalardyń sany tórt adamǵa jetti. Bas prokýratýranyń baspasóz qyzmetinen málim etkendeı, jaraqat alǵandardyń biri Ismaılov Ehtıram Halıl oglý kóz jumdy. Osylaısha, ajal qushqandar sany tórt adam boldy», - dep jazady ÁzerTaj agenttigi.

Bul rette, Armenpress aqparat agenttigi Armenııa Qorǵanys mınıstriniń baspasóz hatshysy Shýshan Stepanıannyń Facebook-tegi jazbasyna silteme jasap habarlaýynsha, Armenııa Qorǵanys mınıstrligi Armenııa terrıtorııasynan Barda aýdany baǵytynda raketalyq soqqy jasalǵandyǵy týraly ázerbaıjandyq taraptyń málimdemesin joqqa shyǵaryp otyr.