Táýlik boıy qar tazalaý: 900-den astam tehnıka túngi aýysymǵa shyǵaryldy

ASTANA. KAZINFORM – Qalanyń kommýnaldyq qyzmetteri joldardy, ortalyq kóshelerdi, trotýarlar men aıaldamalardy táýlik boıy eki aýysymda tazartady, dep habarlaıdy Astana ákimdiginiń resmı saıty.ASTANA. KAZINFORM – 

Máselen, 21 qarashadaǵy túngi aýysymda 900-den astam arnaıy tehnıka men 300-den astam jol jumysshylary qar tazalaý jumystaryna tartyldy.

Bir kúnde polıgondarǵa 1408 reıspen 18 myń tekshe metrden astam qar jetkizildi.

Qys mezgiliniń basynan beri qaladan 43 832-den astam reıspen 556 myń tekshe metr qar shyǵaryldy.

Erejege sáıkes, eń aldymen, qalada keptelis bolmas úshin óte qarqyndy qozǵalys ýchaskeleri tazalanady.
Sondaı-aq ortasha qarqyndylyǵy bar ýchaskeler-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. oryndar qardan tazartylady.

Ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalaý basymdyqqa ıe.

Elordada birneshe jabdyqtalǵan qar polıgondary jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.

Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlardan bas tartýdy suraıdy.

Tótenshe jaǵdaı týyndaǵan kezde "112" telefonyna habarlasyńyz.