Táýlik ishinde qar basqan respýblıka kúre joldarynan 143 adam evakýatsııalandy
ASTANA. QazAqparat - Ótken táýlikte aýa raıynyń nasharlaýy jáne joldy qar basýy saldarynan 143 adam evakýatsııalandy, onyń ishinde 2 bala bar. Tazalanǵan ýchaskege 88 birlik tehnıka shyǵaryldy. Bul týraly QR ІІM TJK baspasóz qyzmeti habarlady.
Aqmola oblysynda qar qursaýynda qalǵan 20 kólikten 54 adam evakaýtsııalandy. Onyń ishinde 1 bala bar. Aýdandyq mekemelerge 5 adam jetkizildi. Eńbekshi, Jaqsy, Zerendi, Atbasar, Arshaly aýdandarynda tıisti jumystar júrgizildi.
ShQO qutqarýshylary Semeı qalasynan 7 jáne 40 shaqyrym jerde qardan shyǵa almaı qalǵan 3 avtobýs pen 3 kólikten 64 adamdy evakýatsııalady.
SQO oblysynyń qutqarýshylary Aqqaıyń, Aıyrtaý, Jambyl aýdandarynda medıtsınalyq mekemege úsh adamdy apardy, onyń ishinde jedel medıtsınalyq kómekke muqtaj 2016 jyly týǵan bir bala bar.
Aqtóbe oblysynda qutqarýshylar Tassaı kentinen Hromtaý aýdanynyń aýrýhanasyna bir áıeldi jetkizdi.
Atyraý oblysynyń qutqarýshylary 1938 jyly týǵan er adamǵa medıtsınalyq kómek kórsetý úshin dárigerdi Qyzylqoǵa aýdany Temirbaı selosyna jetkizdi.
Qostanaı oblysynda qutqarýshylar, jergilikti atqarýshy organdar, jol-paıdalaný qyzmetteriniń kúshteri qar qursaýynan 88 birlik tehnıkany shyǵardy. Onda 151 adam bolsa, 14-i bala.
Dıevka aýylynan Áýlıekól aýdanynyń ortalyq aýdandyq aýrýhanasyna medıtsınalyq kómekke muqtaj 9 adam jetkizildi. Taǵy bir adam Ekidin aýylynan Arqalyqtaǵy aýrýhanaǵa jetkizildi.
