Táýlik ishinde Astanadan 20 myń tekshe metrden astam qar shyǵaryldy
ASTANA. QazAqparat - 21 qarashada qala kóshelerin jınaýǵa 1 003 tehnıka jáne 2 300 jol jumyskeri jumyldyryldy.
Qala ákimdiginiń saıtynyń habarlaýynsha, «Almaty» aýdanynda sanıtarlyq tazartý jumystaryna 333 tehnıka, «Esil» aýdanynda - 381, «Saryarqa» aýdanynda - 298 tehnıka tartyldy. Sonyń ishinde, sypyrý-jınaý mashınalary, trotýar jınaıtyn mashınalar, shynjyr tabandy qar tıegishter, samosvaldar jáne t.b. tehnıka.
Qarashanyń 13-i men 21-i aralyǵynda Almaty aýdanynan 116 myń tekshe metrden astam qar shyǵaryldy, «Esil» aýdanynda da osy kólemde qar shyǵaryldy, «Saryarqa» aýdanynda 12 qarashadan beri 63 myń tekshe metrge jýyq qar jınaldy.
Sınoptıkterdiń boljamynsha, aldaǵy kúnderi elordada qar jaýyp, burqasyn soǵady, jeldiń ekpini kúsheıedi.
Erteń, 23 qarashada, elordada qar jaýyp, burqasyn soǵady, ońtústik-batystan soqqan jeldiń jyldamdyǵy 15-20 m/s jetedi. Túnde aýa temperatýrasy -20...-22°S, kúndiz -9...-11°S bolady.
24 jáne 25 qarashada da kún sýyq bolady dep kútilýde. Túnde aýa temperatýrasy -10...-12°S, kúndiz -7...-9°S bolady.
«Qazgıdromet» RMK habarlaýynsha, Aqmola oblysynda daýyldy eskertý jarııalandy - erteń keı jerlerde qar jaýyp, burqasyn bolady, ońtústik-batystan 15-20 m/s jel soǵady.
