Táýlik ishinde 3 adamnyń ajaly sýdan boldy - QR TJM
ASTANA. QazAqparat - Jambyl oblysy Qordaı aýdany Qasyq aýylyndaǵy «Georgıevka» kanalyna sýǵa shomylý kezinde 2000 jylǵy bala sýǵa ketti, dep habarlaıdy QR TJM. Balanyń denesi jergilikti turǵyndardyń kómegimen sýdan shyǵaryldy.
Sondaı-aq Jambyl oblysy Talas aýdany Qarataý aýylyndaǵy Jartas kóline 16 jasar jetkinshek sýǵa batyp ketti. Máıit QR TJM Jambyl oblysy TJD sýdan qutqarý qyzmetiniń (3 adam, 1 tehnıka) kómegimen sýdan shyǵaryldy.
Mańǵystaý oblysy Qaraqııa aýdanynda da dál osyndaı qaıǵyly jaǵdaı oryn aldy. Kendirli shyǵanaǵyna sýǵa shomylý kezinde 1986 jylǵy er adam sýǵa ketken. Onyń denesin demalys bazasynyń qyzmetkerleri sýdan alyp shyqty.
