Táýligine 3 myń shaqyrtý: qaraǵandylyqtar jedel járdemge jıi júgine bastady
QARAǴANDY. QazAqparat – Qaraǵandyda oblystyq jedel járdem qyzmetine táýligine úsh myńǵa deıin qońyraý kelip túsedi. Medıtsınalyq qyzmetkerlerge júkteme artty. Epıdemııalyq jaǵdaıdyń kúrdeliligine baılanysty qosymsha brıgadalar iske qosyldy, dep habarlaıdy QazAqparat tilshisi.
Oblystyq jedel medıtsınalyq járdem stantsııasynyń dırektory Zýlfıkar Ábilqasymovtyń aıtýynsha, qońyraýlar sany birneshe esege artqan.
«Búgingi tańda biz oblys boıynsha táýligine 3 myńǵa jýyq shaqyrtýdy tirkeımiz. Onyń ishinde Qaraǵandy boıynsha 700-ge jýyq ótinish tústi. Qosymsha brıgadalar jumys isteýde. Jedel járdem feldsherleri birinshi, ekinshi jáne úshinshi sanattaǵy shaqyrýlarǵa qyzmet kórsetedi. Tórtinshi sanattaǵy patsıentterdi emhana brıgadalary óz moınyna alady. Bul koronavırýspen aýyratyn naýqastar», – deıdi jedel járdem stantsııasynyń basshysy Zýlfıkar Ábilqasymov.
2020 jyly jedel medıtsınalyq járdem avtokóligi jańartyldy. Jańa mashınalar barlyq qajettiliktermen tolyq jabdyqtalǵan. Jaqynda ǵana shaqyrtýlarǵa 150 brıgada shyqty. Qazir taǵy 26 qosyldy. Kómek tolyq kólemde kórsetiledi.
«Bir jyl ishinde atqarylǵan jumysqa súıene otyryp, júkteme joǵary dep aıta alamyn. Bir brıgada táýligine 14-16 shaqyrtý alady. Bul ońaı emes, sebebi barlyq jerde ýaqyt qajet. Ár qońyraý jedeldikti talap etedi. Naýqastar kidiristerge shaǵymdanýy múmkin, biraq birinshi kezekte bizde árqashan kúrdeli jaǵdaılarǵa basty nazar aýdarylady. Bul júrek-tamyr aýrýlary, sodan keıin joǵary temperatýra, sonymen qatar koronavırýstyq ınfektsııa jáne pnevmonııa», – deıdi feldsher Ońdas Jumaǵalıev.
Jedel járdemniń jedel bólimi biryńǵaı dıspetcherlik qyzmet quramynda bolady. Qońyraýlar aǵynyna baılanysty shtat birlikteri de ulǵaıtyldy.
«Qońyraýlar birkelki kelip túspeıdi. Kóbinese adamdar keshki altydan keıin qońyraý shalady. Bir mezette kóptegen ótinishter kelip túsetin kezder de bolady. Tıisinshe, barlyq shaqyrtýlarǵa der kezinde jaýap berý múmkin emes. Biraq jeli belsendi túrde jumys isteı beredi. ıAǵnı, dıspetcher bosaǵannan keıin ol kelesi qońyraýǵa birden jaýap beredi», – dep túsindiredi Zýlfıkar Ábilqasymov.
Dárigerler jaǵdaıǵa túsinistikpen qaraýdy suraıdy. Barlyq ótinishter mindetti túrde qaralady jáne nazardan tys qalmaıdy.
«Sońǵy 10 kúnde aýrýshańdyq ósýde. Jedel járdem brıgadalaryna júkteme úlken. Negizinen balalar men 40 jastan asqan adamdar aýyryp jatyr. Kóbinese PTR analızi oń nátıje kórsetedi. Mundaı naýqastardy mobıldi toptar anyqtaıdy», – deıdi Oblystyq jedel járdem stantsııasynyń aǵa kezekshi dárigeri Úmitjan Sultanova.
Qaraǵandylyqtardyń negizgi shaǵymdary - jótel, entigý. Balalarda dıareıa, qusý jıi kezdesedi. Vırýstyq ınfektsııa tek joǵarǵy tynys joldaryna ǵana emes, sonymen qatar asqazan-ishek joldaryna da áser etedi.
Jedel járdem qyzmetkerleri qaraǵandylyqtardy ózderin jáne jaqyndaryn qorǵaý úshin vaktsınatsııadan ótýge shaqyrady.
«Bizdiń qyzmetkerlerimizdiń 90%-dan astamy ekpe jasatqan. Barlyǵy ózderin jaqsy sezinedi», – dep atap ótti Zýlfıkar Ábilqasymov.
