Taýǵa týrıstik saparmen shyqqanda qandaı qaýipsizdik erejelerin saqtaý kerek

NUR-SULTAN. QazAqparat – QR Tótenshe jaǵdaılar mınıstrligi taýly aımaqtarǵa týrıstik saparmen shyqqan kezde saqtalýy tıis qaýipsizdik erejelerin jarııalady, dep habarlaıdy QazAqparat tilshisi.

Vedomstvo taratqan týrıstik saparlardaǵy saqtalýy tıis qaýipsizdik erejeleri mynalar:

- Nashar kóringende (tuman) nemese táýliktiń qarańǵy ýaqytynda ótpeý kerek. Marshrýtqa barar aldynda aýa-raıy boljamyn anyqtańyz.

- Taýly jerlerge barmas buryn aýa-raıy jaǵdaılary men kedergilerdiń yqtımaldyǵyn eskere otyryp, yqtımal qaýipterdi muqııat baǵalaý kerek. Eger aýa-raıy nasharlasa, joǵary emes, tómen túsińiz.

- Taýly marshrýttarda joldy muqııat qadaǵalańyz jáne aıaǵyńyzdyń astyna, ásirese jańbyrdan keıin muqııat qarańyz.

- Jaraqat almaý maqsatynda tik betkeılerge kóterilmeńiz.

- Deneniń qyzyp ketýine, gıpotermııasyna jol bermeńiz.

- Eger siz balalardy ózińizben birge taýǵa alyp barsańyz, olar úshin jaýapkershilikti umytpańyz, olardy qaraýsyz qaldyrmańyz.

- Ózińizben birge jetkilikti mólsherde sý alyńyz. Ózińizben birge kompasyńyz bolsyn.

- Eger siz topta nemese dostar kompanııasynda saıahattasańyz birge bolǵanyńyz jón. Mindetti túrde ózińizben birge qajetti dári qory bar medıtsınalyq aptechkany alyp júrińiz. Qozǵalys qarqyny toptaǵy eń álsizimen anyqtalady.

- Beıtanys marshrýt boıynsha alǵashqy joryq úshin oǵan barǵan adamdy jolserikterden tapqan nemese osy marshrýt týraly aldyn ala aqparat tabýǵa tyrysqan jón. Eshqashan beıtanys marshrýt boıynsha taýlarǵa jolseriksiz barmańyz.

- Taýlarda adasyp, qaýipti jabaıy janýarǵa kez bolyp, jartasqa qulap ketýge bolady. Qysta taýlarda qar kóshkini, jazda tastardyń qulaýy múmkin.

Eger siz taýǵa birneshe kúnge baratyn bolsańyz, onda ózińizdiń uıaly telefon nómirlerińizdi táýlik boıy jumys isteıtin QR TJM bólimshelerine 112 nómiri boıynsha habarlańyz.