Taýǵa shyǵamyz dep jaraqat alǵan almatylyq boıjetkender qutqaryldy
ASTANA. QazAqparat - Almatylyq týrısterdiń demalys kúnderi dástúrli taýǵa shyǵý joryqtary Respýblıkalyq jedel-qutqarý jasaǵynyń qyzmetkerleri úshin jeksenbilik izdestirý-qutqarý jumystaryna ulasyp ketip jatady. Ótken demalys kúnderi de osnydaı jaǵdaı qaıtalandy, dep habarlaıdy TJK-nyń saıty .
12 aqpanda saǵat 14:40-ta RJQJ jedel kezekshiliginiń telefonyna qonyraý kelip tústi: Fýrmanov shyńyna shyǵatyn jolda týrıstik toppen attanǵan jas qyz qulap arqasyn zaqymdap alǵan.
RJQJ qutqarýshylarynyń oqıǵa ornyna shyqqany sol edi, jedel kezekshilikke taǵy bir qońyraý kelip tústi: birinshi oqıǵa bolǵan jerden qashyq emes basqa tusta taǵy bir boıjetken qulap aıaǵyn zaqymdap alǵany habarlandy.
Aıta keterligi, eki oqıǵa Qımasarov shatqalynda, «Densaýlyq soqpaǵy» dep atalatyn jolda oryn alǵan. Qyzyqty ataýyna qaramastan, týrısterdiń taýǵa shyqqanda shatqaldaǵy súrleýde júrýge jaýapsyzdyq tanytyp, sáıkes kelmeıtin aıaq kıimmen shyqsa sapar sońy emdeý mekemesine ákeledi.
Eki zardap shegýshiniń bir-birine jaqyn bolýyna qaramastan, taǵy bir jedel jasaq tobyn jiberý týraly sheshim qabyldandy. Óıtkeni olardyń jeke jeke tasymaldaý qajet edi.
Qutqarý jumystary uzaqqa sozylǵan joq: eki zardap shegýshi tabyldy. RJQJ medıtsınalyq bóliminiń qyzmetkerleri olarǵa alǵashqy kómek kórsetti, sodan soń, qyzdar tómende kútip turǵan Apattar medıtsınasy ortalyǵynyń brıgadasyna deıin tasymaldandy.
Іzdestirý jumysyna RJQJ jeke quramynan 12 adam jáne 2 dana tehnıka jumyldyryldy. 2 adam qutqaryldy.
