«Táýelsizdik urpaqtary» grantyna ótinim qabyldaý bastaldy
ASTANA. KAZINFORM — Grant berýdiń maqsaty — belsendi shyǵarmashyl jastar qaýymdastyǵyn qalyptastyrýǵa baǵyttalǵan jańa ıdeıalar men bastamalardy memlekettik qoldaý, dep habarlaıdy Mádenıet jáne aqparat mınıstrligi.
— 2025 jyly respýblıkalyq deńgeıde 3 mln teńgeden 30 grant beriletin bolady. Grantqa 14 jastan bastap 35 jasqa deıingi (34 jasty qosa alǵanda) Qazaqstan Respýblıkasynyń azamaty úmitker bola alady, — dep atap ótti mınıstrlik.
Grant mynadaı 6 baǵyt boıynsha jobalardy iske asyrý úshin konkýrstyq negizde beriledi:
«Ǵylym» — jańa ǵylymı jobalardy jáne zertteýlerdi iske asyrýǵa arnalǵan;
«Mádenıet» — Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologııalar» — jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Bıznes» — jańa bıznes-ıdeıalardy iske asyrýǵa arnalǵan;
«Medıa» — jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrýǵa arnalǵan;
«Volonterlik» — ózekti, áleýmettik problemalardy sheshýge baǵyttalǵan volonterlik jobalardy (bastamalardy) iske asyrýǵa arnalǵan.
Vedomstvo málimetinshe, konkýrstyq ótinimderdi qabyldaý 2025 jylǵy 16 maýsymnan bastap 18 tamyz aralyǵynda (bul rette, a. j. 18 tamyz, saǵ.: 24:00–ge deıin) t.urpaktary25@gmail.com elektrondy poshtasy arqyly júzege asyrylady.
Anyqtama telefondary: 8 (7172) 74-12-78, 8 706-618-07-23 (jumys kúnderi, saǵ. 9:00–den 18:30–ǵa deıin).
Konkýrsqa qatysý úshin qajetti qujattar tizimi (memlekettik jáne (nemese) orys tilderinde):
1) 1-qosymshaǵa sáıkes nysan boıynsha konkýrstyq ótinim (PDF formaty);
2) 2-qosymshaǵa sáıkes nysan boıynsha jobanyń sıpattamasy (word formaty);
3) Joba boıynsha beınematerıal (60 sekýndtan aspaıtyn) nemese prezentatsııa
(10 slaıdtan aspaıtyn);
4) 3-qosymshaǵa sáıkes nysan boıynsha shyǵyndar smetasynyń jobasy
(word formaty);
5) Zııatkerlik menshik týraly málimetter (bar bolsa, PDF formaty);
6) Jeke kýálik nemese týý týraly kýáliktiń kóshirmesi (PDF formaty).
Buǵan deıin Astanada BAQ qyzmetkerleri kúnine oraı jýrnalıster arasynda baıqaý jarııalandy.