«Táýelsizdik urpaqtary»: Bıylǵy grant ıegerleri anyqtaldy
ASTANA. KAZINFORM — «Táýelsizdik urpaqtary» grantynyń jeńimpazdar anyqtaldy. Bul týraly QR Mádenıet jáne aqparat mınıstrligi habarlady.
Memleket basshysy Qasym-Jomart Toqaevtyń tapsyrmasymen jyl saıyn «Táýelsizdik urpaqtary» granty beriledi.
Maqsat — belsendi shyǵarmashyl jastar qaýymdastyǵyn qalyptastyrýǵa baǵyttalǵan jańa ıdeıalar men bastamalardy memlekettik qoldaý.
Jyldaǵy dástúr boıynsha komıssııa 6 baǵyt boıynsha eń joǵary ball jınaǵan 30 jobany iriktep aldy. Ár jobaǵa 3 mln teńgeden grant beriledi.
«Ǵylym» — jańa ǵylymı jobalardy jáne zertteýlerdi iske asyrýǵa arnalǵan;
«Mádenıet» — Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologııalar» — jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Bıznes» — jańa bıznes-ıdeıalardy iske asyrýǵa arnalǵan;
«Medıa» — jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrýǵa arnalǵan;
«Volonterlik» — ózekti, áleýmettik problemalardy sheshýge baǵyttalǵan volonterlik jobalardy (bastamalardy) iske asyrýǵa arnalǵan.
Aıta keteıik, «Táýelsizdik urpaqtary» grantyna ótinim qabyldaý 16 maýsymda bastalǵan bolatyn.