Táýelsizdik kúnine oraı Rýdnyı qalasynda 40 otbasy baspanaly boldy
Qostanaı oblysy Rýdnyı qalasynda kópbalaly otbasylar, jetimder men áleýmettik osal topqa jatatyn turǵyndarǵa páter kiltteri tabys etildi, dep habarlaıdy Kazinform.
Rýdnyı qalalyq turǵyn úı ınspektsııasynyń basshysy Meıirbek Ysmaǵulovtyń aıtýynsha, Lenın kóshesindegi rekonstrýktsııalanǵan 107-úıden 40 páter qaıta bólinip otyr. Atap aıtqanda kópbalaly otbasylar (8 páter), jetimder (9 páter) jáne halyqtyń áleýmettik osal toptary ókilderi (23 páter) úıli boldy.
Ǵımaratqa rekonstrýktsııa júrgizgen qurylys kompanııasynyń dırektory Nuralhan Kýlchıkovtyń aıtýynsha, bıyl 6 myń, keler jyly 2 myń sharshy metrden astam turǵyn úı paıdalanýǵa beriledi. Bul turǵyn úıdiń barlyǵy halyqtyń osal toptaryna tapsyrylady.
Aıta ketsek, qalada eki ǵımaratty qalpyna keltirý jumystary júrgizilip jatyr. Gorkıı kóshesindegi 64-úıdiń 56 páteri, Lenın kóshesindegi 215-úıdiń 114 páteri rekonstrýktsııalanady.
Sondaı-aq TKSh bólimi jyl basynan beri turǵyn úı qoryn túgendeý jumysyn júrgizip jatyr. Osy kúnge deıin 53 páter anyqtalyp, kommýnaldyq menshikke qaıtaryldy. Onyń ishinde kópbalaly otbasylardy, jetimder, memlekettik qyzmetkerler, tótenshe jaǵdaı qyzmetkerleri men HÁOT ókilderin qosa alǵanda 41 adam kezek boıynsha qonystandyryldy.
