Táýelsizdik kúni qarsańynda Áýe qorǵanysy kúshteriniń áskerı qyzmetshileri baspanaly boldy
Qarýly kúshterdiń Áýe qorǵanysy kúshteri 31767 áskerı bóliminiń áskerı qyzmetshileri úshin Táýelsizdik merekesi qýanyshty oqıǵamen tuspa-tus keldi, dep habarlaıdy Kazinform Qorǵanys mınıstrliginiń baspasóz qyzmetine silteme jasap.
Áskerı qyzmetshiler otbasylarymen birge ornalasyp jatqan úı Kúrshimde ornalasqan. Jalpy aýdany 778,7 sharshy metr ǵımaratta 32 páter bar.
«Biz áskerı qyzmetshilerge jaqsy jaǵdaı jasaýǵa tyrysamyz. Osy maqsatta eski ǵımaratty jóndeý jumystary 2020 jyly bastaldy. Nátıjesinde búgin, mine páter ıelerine kiltterin tabystap jatyrmyz. Áriptesterimdi shyn júrekten qonys toıymen quttyqtaımyn», – dedi ÁShQQ áskerleri qolbasshysynyń tyl jónindegi orynbasary, polkovnık Asylhan Taýbaev.
Áskerı adamdar úshin otbasynyń jaǵdaıy mańyzdy, sonda ǵana olar jaqyndaryna alańdamaıdy. Bul joba birinshi kezekte áskerı qyzmetshilerdiń otbasy músheleriniń laıyqty ómir súrýi úshin barlyq jaǵdaıdy jasaýǵa arnalǵan.
«Búgin baspanaly boldym. Shalǵaıdaǵy áskerı bólimderdi nazardan tys qaldyrmaǵany jáne bizdiń ál-aýqatymyzdy arttyrýǵa qamqorlyq jasaǵany úshin Qorǵanys mınıstrligine alǵys aıtqym keledi. Endi bizdiń keń, jaryq jáne jyly úıimiz bar. Onyń ústine jóndeý jumystary da jaqsy jasalǵan», – dedi áskerı qyzmetshiniń jubaıy Baqyt Kamalova.
Páter kiltin tapsyrý rásimi memlekettik mereke qarsańynda saltanatty túrde ótti.
