Táýelsizdik dańǵylyndaǵy jańa kópir 30 qazanda ashylady

Astanada Táýelsizdik dańǵylyndaǵy jańa kópir 30 qazan kúni ashylady. Kópir segiz jolaqty, ıaǵnı tórteýi bir jaǵynda, qalǵan tórteýi ekinshi jaǵynda bolmaq, dep habarlaıdy Kazinform.

Kópir ústinde synaq 25 qazan kúni bastalady.

Kópir statıkalyq júktememen synalady — kezeń-kezeńimen arnaıy tehnıka (30 tonnalyq samosvaldar) júrip ótedi. 

Kópirdiń jaı-kúıin baqylap, jaǵdaıdy nazarda ustaý úshin tıisti kórsetkishti beretin sensorlar ornatylady.

Osylaısha júrgizýshiler úshin qozǵalys 30 qazanda ashylady.

Al abattandyrý jumysy kóktemge deıin jalǵasady. 

«Bul kópir ózge kóshelerge túsetin kúshti edáýir jeńildetýge múmkindik beredi: sol jaǵalaýdy Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshitimen, Baıtursynov, Qordaı, Aınakól kóshelerimen, Momyshuly dańǵylymen jáne t. b. qosymsha baılanysty qamtamasyz etedi» deıdi ákimdikten.