Táýelsizdik – ata-babalarymyzdyń san ǵasyrlyq armany men kúresiniń jemisi
JEZQAZǴAN. KAZINFORM – Ulytaý oblysynyń ortalyǵynda «Táýelsizdik» monýmentine gúl shoqtaryn qoıý rásimi ótti.
Arnaıy rásimde oblys ákimi Dastan Ryspekov, oblystyq máslıhat tóraǵasy Baýyrjan Shyńǵysov, quqyq qorǵaý organdarynyń qyzmetkerleri, qoǵam qaıratkerleri men Jeltoqsan oqıǵasynyń qatysýshylary qurbandardy bir mınýt únsizdikpen eske aldy. Іs-shara Qazaqstan Respýblıkasynyń Memlekettik Ánuranymen ashylyp, bozdaqtardyń rýhyna taǵzym etýmen jalǵasty.
- Táýelsizdik – ata-babalarymyzdyń san ǵasyrlyq armany men kúresiniń jemisi, ulttyq rýhymyzdyń bıigi. Osydan 33 jyl buryn, 1991 jyly, halqymyzdyń úmiti aqtalyp, Qazaqstan óz taǵdyryn ózi sheshýge múmkindik aldy. Bul tarıhı tańdaý – ulttyń eń uly jetistigi. Ulytaý – uly babalarymyzdyń rýhanı besigi, qazaq memlekettiliginiń bastaý alǵan kıeli mekeni. Osyndaı qasıetti jerde biz Táýelsizdigimizdi erekshe qadirleýge, onyń ár sátin baǵalaýǵa tıispiz, - dedi óńir basshysy Dastan Ryspekov óz sózinde.
Іs-shara sońynda jınalǵandar «Táýelsizdik» monýmentine gúl shoqtaryn qoıyp, estelik sýretke tústi.
