Táýelsiz Qazaqstan tarıhynda áýe keńistigindegi kórsetilgen qyzmet kólemi rekordtyq kórsetkishke jetti

ASTANA. KAZINFORM – Ótken jyly «Qazaeronavıgatsııa» respýblıkalyq memlekettik kásiporyn mamandarymen elimizdiń áýe keńistiginde 415 myńnan astam ushyp-qoný boıynsha aeronavıgatsııalyq qyzmet kórsetilgen.  

Onyń ishinde, 107 myńǵa jýyǵy otandyq áýe kompanııalarymen, al 308 myńy sheteldik áýe kompanııalarymen júzege asyrylǵan reıster. Bul – Táýelsiz Qazaqstan tarıhyndaǵy rekordtyq kórsetkish.

QR Kólik mınıstrligi baspasóz qyzmetiniń málimetinshe, 2024 jyldyń birinshi toqsanynda elimizdiń áýe keńistiginde 90 myńnan astam aeronavıgatsııalyq qyzmet kórsetilgen. Onyń ishinde, otandyq áýe kompanııalarymen jasalǵan 25 myń reıs pen sheteldik áýe kompanııalary júzege asyrǵan 69 myń reıs.

QR Kólik mınıstrliginiń «Qazaeronavıgatsııa» RMK respýblıkanyń búkil aýmaǵynda áýe qozǵalysyn uıymdastyrýmen aınalysady (2,7 mıllıon sharshy shaqyrym). Baqylanatyn áýe trassalarynyń jalpy uzyndyǵy 111 myń shaqyrymdy quraıdy. Kásiporynnyń negizgi maqsaty – Qazaqstan Respýblıkasynyń áýe keńistiginde ushý qaýipsizdigin qamtamasyz etý.